Liverpool chuan Hoffenheim forward Roberto Firmino an lalut ta.
Kum 23-a upa, Brazil International Firmino hi Liverpool hian £29m sengin an lalut a, kum 5 chhung khel turin contract a ziak a, Brazil tan Copa America a khelh zawhah medical test a ti leh ang a, Liverpool player a ni
chiang tawh dawn a ni.
Aizawl sipai lammualah pawh lo khel tawh, Firmino hi Liverpool player manto ber dawttu a ni a, Liverpool player man to ber chu English player Andy Carroll niin 2011 khan £35m sengin Newcastle United atangin an lalut a
ni.
Liverpool hi season liamtaah khan parukna niin Champions League an khel phak lova, hei vang hian tan lain Manchester City aṭangin midfielder James Milner, Burnley aṭangin striker Danny Ings bakah goalkeeper Adam
Bogdan leh defender Joe Gomez te an lo lalut tawh a ni.
Firmino hian Hoffenheim tan game 153 khel tawhin goal 49 a thun tawh a, an ram Brazil tan 2014 atangin a khel tan chauh a, game kua khel tawhin goal li a thun tawh a, tunah hian Brazil star player Neymar an hrem avangin
amah thlaktu atan Firmino hi hman a ni a, group match hnuhnung berah goal a thun nghe nghe.