Sub-Hqrs. YMA Executive Meeting nei

Nimin khan YMA Sub-Hqrs Serchhip Executive Meeting chu a vawi 8-na turin Sub Hqrs YMA Office-ah neih a ni.
YMA Sub-Hqrs Serchhip Executive Meeting vawi 8-na hi Vice President, Pu Kawl-ṭhuama’n a kaihruai a, SEC chuan Education & Youth Affairs Sub-Committee leh Mizoram Youth Commission ṭangkawpa Skill Development buatsaih chu nei leh tura dil nise an ti a, Dinthar Branch YMA aṭanga thulut Sesah hnar ram ngaw humhalh chung-chang chu Office Bearer te kuta dah a ni a, Nungcha, Sava leh sangha te humhalh kawng-ah hmalak zel nise tiin Rifle Association, Kohhran leh mimal sa pel ṭhin te hnenah lehkha pek nise an ti a, zu zawrh chungchangah dân ang taka kalpui a nih theih nan Excise Department te biak nise an ti a, hei bakah hian Education & Youth Affairs Sub-Committee ten zu chungchanga Talk Show nei tura ruahman chu kalpui ngei nise an ti bawk a, Serṭawk lui dunga hauhuk awm chu humhalh tura DFO-a thlen nise an ti a, Entlang leh Sakhi sih Social Forestry chei nan Science & Environment Sub Committee hnenah Rs.30,000/- pek nise an ti a, Sailiam leh Buarpui kawng siam tura laih la remti lo te dawr nise an ti bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram