Bilkhawthlir-in Kuhva aṭangin cheng nuai 280 lei tawh

Kum 2015-16 chhungin Bilkhawthlir khuaa Kuhva huan neitu ten cheng nuai 280 an lei chhuak tawh.
Mizorama Kuhva ngah ber khuaa inchhal Bilkhawthlir khuaah hian Kuhva huan siam chhungkaw 450 vel awmin Society fel tak an din a, Assam Variety an la hralh loh avangin Assam Variety aṭang hian cheng engemawzat lei chhuah an la inbeisei bawk a ni. Hei bakah hian kuhva kung 100/200 vel lek nei, an hralhna report lo an awm nual bawk a ni.

Bilkhawthlira Kuhva huan neitu pawl ten an chhinchhiah danin Bilkhawthlirah hian kuhva aṭangin kum 2010-2011 chhungin Rs.60,99,960/- an lei chhuak a, 2011-2012 chhungin Rs.1,27,27,700/-, kum 2012-2013 chhungin Rs.1,90,74,130/- leh nikum 2014-2015 chhungin Rs.2,45,00,000/- zet an lei chhuak a ni.

Bilkhawthlir khuaa Kuhva huan neitu te hian an Kuhva tharchhuah te chu a huanin Hnamdang sumdawng hnenah an kharchhawntir mai ṭhin a, tunah erawh chuan chhung-kaw tam tak chuan mahnia hralh a hlawk zawk tih hriain, a huana kharchhawntir lovin a pumin (Kuhva pum) man to zawkin an hralh ṭhin a, tunah hian sawrkar hmalakna hnuai-ah NLUP sum cheng nuai 35 hmangin Chemphai-ah Kuhva Scope siamna tur kalpui mek a ni a, kumin chhunga hman theih ngei beisei a nih thu NIB hotu te chuan an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram