New Delhi-a châm mek Chief Minister Pu Lal Than-hawla chuan Thawhlehni tlaia Union Minister of State (IC) for Petroleum & Natural Gas Pu Dharmendra Pradhan a hmuh naa Mizorama oil leh Natural gas zawn hna thawh mek chak zawka kalpui a nih theihna tura hmalakpui tura a sawmna bakah, Mizorama oil dah khawlna awm chhunin ni 2/3 chauh daih a nih avanga dah khawlna lian zawk siam turin a ngen a. A hmun tur atan Mizo-ram sawrkar chuan ram a pek theih thu a hrilh nghal bawk a ni. Heng bakah eirawngbawlna gas hnianghnar Mizoram mipuite tana ruahman sak turin a thlen nghal bawk a ni.
Union Minister chuan eirawngbawlna gas hniang-hnar neih chu mipuite chanvo a nih thu sawiin, chak taka bawhzui alo tiam a. Chief Minister thu thlente chu thil pawi-mawh tak vek anih avangin a ministry hnuaia hotute leh OIL hotute chu Mizoramah rawn tirh a ni ang tih Chief Minister chu hrilhin, amah ngei pawh hun remchang hmasa berah lo kal a tum thu a hrilh bawk a ni.
Oil dahkhawlna lian siam turin ngên
