Peace Accord MNF Returnee Association (PAMRA) District Headquarter, Serchhip chuan thuchhuah siamin, 1986 Accord-in a sawite za-ah za a hlawhtlin ngei theih nan tha thlah lovin an bei zel dawn tih an sawi.
PAMRA chuan, vawiin, Mizoram Accord kum 31-na champha lo thlen ni hian Zofa zawng zawngte duhsakna chibai an buk tih an sawi a, India sawrkar leh MNF ten inremna an ziah khan MNF rammute leh Mizo hnam tana ṭha point pawimawh tak tak ziahlan a ni tih sawiin, heng zinga engemawzah chu tihhlawhtlin a nih laiin point ṭhenkhat tihhlawhtlin loh engemawzat a la awm tih an sawi a, heng thil te enfel a, a ṭul anga bawhzui tura an ngenna leh Central remtihna angin tunah hian Chief Minister kaihhruaina hnuaiah 1986 Peace Accord Review Committee din a ni ta chu lawmawm an tih thu sawiin, inremna ziaka sawi te tihhlawhtling tura chak taka hma an lak ngei an duh thu leh an phût thu an sawi bawk.
