Juventus chuan Serie-A title humhim tura an beihna hmasa berah hahdam takin Cagliari chu 3-0-in an hneh a, he match-ah hian an goalkeeper Gianluigi Buffon chuan Penalty a save nghe nghe a ni.
Buffon-a’n League match 620 a khelh tlin zanah hian Alex Sandro foul vangin Juventus hian a vawi khatna atan Video Assistant Referee (VAR) hmangin penalty an chawi a, hei hi Buffon chuan a save a ni.
Juventus tan hian Mario Mandzukic chuan an goal hmasa ber ni turin a volley goal a, Paulo Dybala chuan goal hnuhna thunin Gonzalo Higuain chuan an goal hnuhnung ber hi a thun a, Juventus hian a zawna a ṭum sarihna turin Serie-A title lak an tum hle a ni.