Skip to content
Home » Chanchinthar » Sum hman dik lohin mipuiteah nghawng na tak a nei:Dr.Beichhua

Sum hman dik lohin mipuiteah nghawng na tak a nei:Dr.Beichhua

MLA Dr.K.Beichhua chuan, “Mizoram sawrkarin sum a hman dik loh avangin mipuite-ah nghawng na tak a nei a ni” a ti.

Nimina MNF Party in-khawmah MLA Dr.K.Beichhua chuan tunlaia CAG report chungchang sawiin, CAG report siam a nih dawn hian Department lamah uluk takin an thil duhte an zawt ṭhin a, a fiah lo deuh nia an hriatte leh tihṭhat ngai nia an hriatte chu tiṭha tur leh tihdikna siam turin Secretary thlengin sawipuina an nei ṭhin a, uluk taka tih a nih hnuah CAG report hi tihchhuah a nih chauh thin thu a sawi a, helai ministry vuantuten an mual-phona a nih dawn avanga CAG report a dik lo an tih hi mipuiin an pawm lo a ni, a ti bawk.

Mizoram State Lottery chungchang sawiin Pu K.Beichhua chuan, cheng Vaibelchhe 11,808 chuang zet Mizoram sawrkara lût tur lut ta lo chungchangah Mizo mipuite kan la ngawi tlat thei hi thil mak a ni, a ti bawk.

Zo-carbon chungchang sawiin Pu Beichhua chuan, Meghalaya aṭanga Luangmual hmuna lungalhthei phur motor ni khata vawi 6 vei thei te hi a mak a , Corruption a zung nena phoro tum nia insawite hian an phoro hi nikangah ni lovin, damah an pho tihna em ni, a ti a ni.

Pu K.Beichhua chuan kawng chhe lutukte chu sawi ngaihna a awm tawh lova, Assembly House-ah te ngei pawh chak zawka kawng siamthatna tur resolution pawh an hnawl duh zel a ni, a ti a. Sum an it avangin zu an zuar a, zu zawrh hian mi tamtak thihna leh manganna a thlen a. Kan ramah hian development aiin AIDS-in hma a sawn zawk a ni a ti bawk.

Leave a Reply

This site uses Akismet to reduce spam. Learn how your comment data is processed.