US Open-ah Sharapova a inlan thei dawn

US Open khelh tur atan Maria Sharapova chu US Open Main Draw atan wildcard pek a nih tak avangin damdawi hman phal loh a hman vanga thla 15 chhung hrem a tawh hnuah a vawi khatna atan Grand Slam tournament-ah a inlan thei ve leh dawn ta.

Kum 30 mi, World No. 1 hlui Sharapova hi April thla khan inkhel leh thei turin a rawn kir a, mahse French Open-ah wildcard pek a ni lova, inhliam vangin Wimbledon-ah a khel thei lova, August ni 28 aṭanga September ni 10 chhunga khelh tur US Open-ah erawh a inlan thei dawn ta a ni.