Zothlifim Logo
Loading ...

Nimin khan PC Party chuan thuchhuah siamin, Mizoram sawrkarin Power & Electricity department-ah thawktu mamawh aia tam mi 973 a chhawr avanga kan thla tin electric bill a pun phah nia sawiin, hriatthiam harsa an tih thu an tarlang.

PC Party chuan thuchhuah an siamah chuan Mizoram sawrkarin P&E department-a thawktu mamawh zât a siam (Sanction post) 2,140 a nih laiin thawktu mi 2,958 lai maiten thawk leh siin, mamawh miah loh mi 808 chhawr an nih bakah Diesel/ Gas aṭanga Power siam chhuah kan neih miah loh laiin hemi buaipuitu tur mi 165 ṭul miah lova rawihte nen an vaiin mi 973 an ni tih an tarlang a, heng ṭul miah lo leh mamawh miah lova rawih mi 973-te thlatin hlawh chu mipiuite bill tlingkhawm aṭanga pek a nih avanga thlatin electric bill pung zelin mipuite phurrit a belhchhah tam tial tial tih hria a, a rang thei ang bera inenfiah turin P&E Minister R.Lalzirliana an phût tih an tarlang.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117