Nimin khan Serchhip District-ah Covid-19 hri kai mi 69 hmuhchhuah belh leh an ni a, CMO Office aṭanga report dawn danin, heng zinga 9-te hi Serchhip khawpui aṭanga hmuhchhuah an ni a, heng bakah hian Thenzawlah 24, N.Vanlaiphaiah 7, Mualchengah 6, E.Lungdar leh Lungpho-ah 4 ve ve, Hualtu, Keiṭum leh Khawlailungah 3 ṭheuh, Chhingchhip leh Hmun-zawlah 2 ve ve, Khawbel, Chekawn leh Sialhauah 1 ṭheuh hmuhchhuah belh leh an ni a, hengte nen hian District-a hri kai hmuhchhuah tawh zawng zawng chu mi 12,948 an tling tawh a, hetihlai hian nimin khan Serchhip District-ah hri kai enkawlna hmun aṭangin mi 56 chhuahtir an ni a, heti hian District-a hri kai hmuh chhuah zinga enkawl dam tawh zat chu mi 12,672 an tling ta a, enkawl dam hi hri kai tawh aṭangin 97.87% a ni a, hri vei enkawl lai mi 243 an la awm a, hetihlai hian nimin chawhma dar 11 khan Chalthanzingi (82), Chhingchhip Venghlun chu Covid-19 vangin a boral a, ani hi March ni 17 khan hri a kai tih hriatchhuah niin, mahni inah home isolation-in an inenkawl a, natna dang nei tel a ni a, hei nen hian Serchhip District-a hri kai boral chu mi 33 an awm tawh a ni.
Loading ...