Nimin khan Vairengte leh a chhehvel National Highway No. 306 kawngpui siam thar, ruah sur nasat avanga tun hnai a chhia chungchanga hmalak dan tur sawihona Kolasib DC John LT Sanga hovin a pisaah neih a ni.
He sawihonaah hian Lallawmawma Addl. DC, Neng Thianlala SDO (C) Vairengte, National Highways and Infrastructure Development Corporation Ltd. (NHIDCL) hotute leh Vairengte Joint Village Council hruaitute an tel a, Vairengte khawtlangin NHIDCL kawng siam NH no. 306, N. Chhimluang leh Vairengte inkar chu ruahsur avang kawng chhia thawmthat vat ṭula an hriatte tarlangin, SDO (C) Vairengte kaihhruaina hnuaiah endikna nei nghal tur a rel a ni a, endiknaa tel tur hian PWD Highway division , NHIDCL, Joint VC, Joint YMA Vairengte te ruat an ni.