Nimin khan State Transport Authority chu kumin atana meeting hmasa ber neiin STA Office, Transport Building-ah an ṭhukhawm.
Meeting hi KT Beicho, Commissioner & Secretary, Transport leh Chairman, STA ni bawkin a kaihruai a, Er R.Lalrammawia, Director, Tranpsort leh Secretary STA ni bawk chuan meeting hmasa lama thu tihthluk hrang hrangte bawhzui dan a report a, Agenda hrang hrangte a sawifiah nghal a, meeting-ah hian Aizawl khawpui chhunga Line Bus Service dan chungchang te, Maxi Cab atan Maruti Suzuki Ertiga hman dilna te, Mizoram Taxi Association aṭanga dilna te, fare control-na atan Auto Rickshaw-a Fare Meter vuah chungchang te, ICT Department nen ṭangkawpa Four Wheeler leh Two Wheeler Taxi atan a fare software duan mek chungchangte leh ṭul dangte sawiho a ni.
Tuna State Transport Authority hi sawrrkarin 21 April 2022-a a din thar a ni a, member dangte chu Lalmuanthanga Fanai, T.Thanga leh Lalnunpuia Sailo te an ni.