Mizoram State Election Commission chu thlaleh, February thla chawhnu lamah VC inthlanna buatsaih tumin a inbuatsaih mek. VC inthlanna neihna turte hi Aizawl, Mamit, Kolasib, Champhai, Serchhip leh Lunglei District-te an ni. State Election Commission hotute sawi danin Mizoram sawrkar chuan tun hnai khan VC inthlan dan siam \hain VC Electoral Roll siam\hat hna chu Mizoram State Election Commission kutah a pe a, hemi bakah hian VC Electoral Roll siam nan Mizoram Assembly Electoral Roll hman a phal bawk a, Assembly Electoral Roll hi VC Draft Roll atan hman a ni ang a, heta \ang hian VC inthlannaa vote thlak thei turte chu lâk chhuah an ni dawn a ni.
VC Electoral Roll ennawn hna chu tun thla ni 30 a\angin thawh \an a ni anga, hemi ni a\anga February ni 4 thleng thun belh dilna leh sawisel nei te tan dilna thehluh theih a ni ang a, chungte chu February ni 5 leh ni 7 inkarah chinfel a ni ang a, hemi hnu hian VC Electoral Roll thar chhutchhuah hna thawh zui a ni ang a, Electoral Roll thar hman theih tur chu February ni 16-ah peih fel a ni ang.
Heng District 6 a VC dinglai term hi February thlaa tawp tur a nih avangin a tawp hmaa inthlanna buatsaih SEC chuan a tum a ni.