Mizoram-a Cable TV pawttu ten hnena line pawh man khawn tur zat chungchangah Mizoram Consumer Union leh Mizoram Cable TV Owner & Distributors Association thu a inhmu thei lo.
Nimin khan Consumer Union hian thuchhuah siamin, Cable TV neitu ten subcription fee `250/- khawn an tum chu TRAI Rules & Regulations kalh a ni tiin, mipuite chu pe lo tur leh `200/- chauh pe turin a hriattir a, hemi hma hian hetiang hriattirna hi a lo chhuah tawh a ni.
He thuchhuah chhang let hian nimin vek khan Mizoram Cable TV Owner & Distributors Association chuan thuchhuah siam ve lehin, Mipuite chu Cable TV enkawltute harsatna tawh mek an lo tarlan tawh ṭhinte chu hriatpuia lawm taka `250/- pe chhunzawm turin an ngen tih an sawi a, hemi chungchangah hian nimin khan Executive Meeting ko in, Cable TV Subscription Fee `250/-a tihsan chungchangah MCU te nen dawhkan khat kila sawiho theih a ni lo chu pawi an tih thu an sawi a, Cable TV enkawlna senso hautak chho zel leh thil man san chak dan thlirin `250/- chawi chu mipuite pawhin âwm an tihpui nia an hriat thu an sawi a ni.