Kum 2010 December ni 18-a Thakthing Veng hmei-chhe naupang kum 5 mi
pawng-suala thattu Lalrammawia (29), Aizawl Salem Veng chu Aizawl
District and Sessions Judge court chuan damchhung leh kum 10 lungin
tang turin a hrem.
Sawrkar Ukil Pu H. Lalmuankima sawi danin Court chuan Lalrammawia hi
naupang kum tlinglo a pawngsual avangin kum 10 tâng turin a chhungthu
a rel a, tual a thah avangin dam chhung lungin tâng turin a rel bawk
a. He a tan hun chhung tur hi a inzawm chho ang. Lalrammawia hian he
hmeichhe naupang hi ei tur lei sak tura thlêmin Thakthing Venga mi
motor dahna chhungah a hruai lut a. Chutah chuan pawngsualin a that
zui ta niin Prosecution lam chuan an sawi a, hei hi Court chuan pawmin
hetiang hremna hi a chelek ta a. Zirtawpni khan Lalrammawia hi Central
Jail lamah dah luh nghal a ni a. A tân hun chhung tura Court
thutluknaah hian a lo tân tawh hun chhung kum 3 chu chhiar tel a ni
dawn a ni.