Nizan hmasa dar 7 vel khan Vairengte zalenvengah chenna in 1 bungrua engmah chuh hman lovin a kangral vek a, in kang hiPu B.Lalnuntluanga In Pu F Lalrithanga luah lai a ni a, Assam type niin inchhawng ani a, a chung kawngan chu Pu F.Lalrithanga ten Dawr atan an luah nghal bawk a ni. Inneitute inkhawm hlana kangmei hi chhuak a ni a, kangmei chhuah chhan hi hriat a ni lo a, Mita hmu tu te sawi danin kangmei hi Inchung lam atanga chhuak a ni.
Inkang hi Cachar District-a Dholai Fire Department leh Kolasib lama Fire Department te hriattir anni a Dholai Fire Department te an thlen hmasak zawk avangin Kolasib Fire department te chu kawng laka an awm laiin kir tir leh an ni a, Dholai Fire Department te an thlen hian mipui te chuan kangmei an thelh ziaawm hman tawh a amaherawh chu theihtawp chhuahin Dholai Fire department te hian kangmei ṭhelh hna hi an thawk a ni.