MSU-in Written Exam boycott tum

Mizo Students Union (MSU) chuan Health & Family Welfare Dept hnuaia Tutor/Clinical Instructor hnaruak Mizoram Public Service Commission (MPSC) in a lak tur ah thil fello a awm tih sawiin, tun thla ni 10 leh 12 inkara he hna lak na tura atana Written Exam neih tur chu Boycott a tum.

Nimin khan Aizawl-a MSU Office a thuthar lakhawmtute kawmin, MSU President Zodinpuia chuan he hnalak tura Advertisement tih chhuahah a dil thei chin, thiamna neih ngai 2-na, ‘Recognised University a Diploma, Staff Nurse kum khat thawk tawh’ tih chu, he hna thawk tur hian tlingah an ngai lo tih a sawi a, he hna lak turah hian College of Nursing chuan Recruitment Rules (RR) a la neih loh avanga School of Nursing Recruitment Rules (RR) sorkarin a ring ringawt chu a dik lo a, tuna hnalak tur nena inmil lo a ni a ti bawk.

RR la siam loh chhan hi a siamtu DP&AR Deptt. lam hnathawh muan vang-ah MSU chuan a ngai tih sawiin, Health & Family Welfare Department lamin Recruitment Rules (RR) ruangam an buatsaihna a rei tawh chungin DP&AR Deptt. lam in anla peih fel theiloh avangin hetiang thil hi a thleng ta niin a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram