Thawhtanni khan Khawzawl Chehzum ram, Mukpui hnarah Pu Ralmanthanga (26) H/o Lalthantluangi, Khaw-zawl Vengthar leh Pu Ro-buanga, Vengthar te Sangha man chu Sanghal-in a bei a, Pu Ralmanthanga hi Sanghal hian hliamin Pu Robuanga erawh vanneihthlak takin a him thung.
Tlai khawhnu a thudawn danin, Thawhṭanni chhun dar 12 vel khan Pu Ralmanthanga leh Pu Robuanga te Mukpui hnara Sangha an man lai chuan Sangha sum 5 vel a lian hi an awmna bulah Ui-in a rawn um chhuak hlawl a, Sanghal hian anni pahnih a hmuh hian a bei nghal a, Pu Ralmanthanga hi a ban dinglam leh veilam ban puam leh ban rekah leh a malpui ding lamah leh veilam chawn puar bulah te a hliam a, Pu Robuanga hi chu a bul thingkungah a insaseng hman avangin a him thung a ni.
Sanghalin a beih hnu lawk hian Sanghal hi ui in rawn nang chingin luidungah an um thla leh ta a ni. Pu Mana hi Pu Robuanga hian an chhak thlamah hruaiin Phone hmangin a zualko nghal a. Thil thleng an hriat veleh Vengthar YMA Member te chu in pun khawm nghalin, mi tlawmngaite nen Pu Mana hi an va zawn ta a ni. Pu Mana hi Khawzawl Damdawi Inah enkawl mek niin a dinhmun hi a hlauhthawnawm loh a ni.