Chhatisgarh-a nimina Security Force leh Maoist-te inbeihna thlengah Maoist 15 an thi.
Inbeihna hi Bijapur District-a Kanchal ramhnuaia thleng a ni a, PTI-in a sawi danin, ramhnuaiah Maoist an awm tih thu an dawn bawhzuiin Greyhounds, state police leh CRPF-ten dapchhuah beihpui an thlak nghal a, Maoist-te hian lo kap hmasa-in nasa taka inbeihna a thleng zui a ni.
Inbeihna hmunah hian ralthuam engemawzat chhar a ni a, Maoist thi-te ruang lak nan Andhra Pradesh atangin helicopter tirh nia sawi a ni.