Nikum November ni 2 atanga 2013 April thla tawp thleng khan Mizo ram a tlang sang ber Phawngpui tlang tlawh tu mi 490 an awm a, heng zing a 321 te chu mipa niin hmeichhia 169 an ni. Phawngpui tlang tlawhtute aṭanga entry fee lut zawng zawng chu `10,190 a ni.
Phawngpui tlang tlawhtute zingah hian ram dangmi (Foreigners) 2 an awm a, Zirlai 196 an tel bawk. Farpak bul thlenga Motor kal 38 an awm a, an zingah hian Two Wheeler engemaw zat a tel. Thaltlang Beat Officer (Forest Guard) te sawi danin, Phawngpui tlang hi November Ni 2 atanga April thla tawp thleng bak tlawh phal a ni lova, hemi hun chhunga tlawh duhte chuan entry fee an pek a ngai a ni.