YMA-in zirlaite school kaltir loh tum

Lunglei District-a Thingfal Branch YMA chuan RMSA sum a Govt. Thingfal High School sak kum 1 dawn chawlhsan tawh chu June thla chhunga sak chhunzawm a nih loh chuan zirlai naupang te tana him loh avangin zirlai te school kaltir an remti tawh dawn lo.

Thingfal Branch YMA chuan thuchhuah siamin kum 2011 khan RMSA sum sanction `32,25,000/- hmangin Lunglei District Congress Committee General Secretary Pu C.Lianmawia chu sak tir a ni a, tunah hian he building sakna atan a sum sunction atangin `23,80,000 la tawhin building sak tur hmun thum a then a hmun khat pawh la sazo loin, kum 1 dawn he hna hi a chawlhsan tawh a, staff leh zirlai te’n fur ruahtui an tuar nasa hle a.

June thla chhung ngei a he building sak hi chhunzawm a nih loh chuan zirlai naupang te tan a him loh avangin school kaltir Branch YMA chuan a remti dawn tawh lo a ni a ti a.

Sawrkar leh department hotute pawhin sak chhunzawm a nih theih nan hma laksak turin Thingfal Branch YMA chuan an ngen tih an tarlang bawk. Govt.Thingfal High School ah hian zirlai 45 vel an awm mek a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram