Mizoram News

Deep Mondal chhuah a nih theih nan rubotute dâwr zel

Nikum November ni 23-a Mamit District chhung Dampa Tiger Reserve hmuna Chikha Anti-Poaching Camp aṭanga rukbo pathum zinga an la hren chhun Deep Mondal chhuah a nih theihna’n a rubotute dawr mek zel a ni.

Tuikuk misual rual leh NLFT ṭangrualin an rukbo Deep Mondal hi nimin kha thla 3 chhung a rubotute’n an hrenna a ni ta a. Police hotute sawi danin Deep Mondal chhuah a nih theihna atana lamkal an tirh chu tunah hian Bangladesh-a rubotute camp lamah a thang mek a. Cha nchin ṭha lam beisei reng a nih laiin thu chiang hriat theih tur a la awm rih lova, lamkal an tirhin thu a rawn ken nghah mek a nih thu Police hotute chuan an sawi.

Police hotu pakhat sawi dan chuan Deep Mondal hrengtu NLFT Commander hian an thutlukna rawn hriattir mai tura a insawi chu rei fe an nghah hnu-ah engmah an rawn sa wi tak loh avangin lamkal hi an tir nawn leh ta a. Rubotute hi an an hren chhunga an ei leh in senso hu tal tlanchhuahna an phut nia an hriat thu an sawi.

Deep Mondal, Sanglianthanga leh Lalzamliana te hi ru bova Bangladesh ram chhunga hren an nih hnu-ah January n i 21 khan Mizo pahnihte hi rawn chhuahin Deep Mondal-a hi an la hreng zui a. Ani hi Airtel tana mobile tower siam hna thawktu construction company lian lem lo taka thawk, nitina ₹235/- hlawh nia thudawn a ni.

Hetihlai hian tunhnai khan Chief Minister Pu Lal Thanhawla chuan Deep Mondal hi chhuah thuai a nih loh chuan sawrkarin a zawng anga, a hrengtute tawmkuk thlenga luh chilhah a lo vau tawh a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram