Environment & Forest Minister Pu Lalrinmawia Ralte chuan Inrinni khan HK Jerry Ramliana Solo Painting Exhibition vawi 3-na Vanapa Hall a neih chu a hawng.
He exhibition ah hian HK Jerry Ramliana’n kum 2011 leh 2014 inkar chhunga a lemziah 76 pholan a ni a, Exhibition hi March 1, 2014 thleng a awh ang.
Minister chuan lemziaktu ngaihtuahna hi a ril lutuk a, lemziah pholan ho pawh engtikah nge hriat thiam a nih ang tih hriat a ni lo a ni a ti a. Art form hrang hrang tih hmasawnna’n leh mi bik ten a’n thiamna sawr chhuak thiam tur hian mi zawng zawng kan tan’rual a ngaiin inhlut thiam sak a ngai a ni a ti a. Lemziah tih hmasawn na’n sawrkar pawhin theihtawp a chhuah zel a beisei thu Minister chuan a sawi bawk.