Mizoram News

PWD Chief Commissioner hovin meeting neih a ni

Chief Commissioner for Persons With Disabilities (PWD), Pu Prasanna Kumar Pincha chuan nimin khan Social Welfare Department leh Mizoram-a Persons with Disabilities Commissioner office- a mawhphurtute nen State Guest House Conference Hall-ah meeting an nei.

Pu Prasanna Kumar Pincha chuan kum hnih chhung PWD Chief Commissioner nihna a chelh hnu ah rualbanlote enkawl leh an hamthatna tura dan siam Persons With Disability (PWD) Act, 1995 chu State hrang hrang ten eng chen chiah nge an kalpui a, a nihna tur takin an kalpui em tih leh he dan kengkawh turin harsatna an neih leh neihlohte enfiah turin a zinkual thin thu a sawi a, Mizoram pawh chutiang tura rawn tlawh chu a ni, a ti. PWD Act in a phut angin rualbanlote chu sorkar hna ruak awm zawng zawngah 3% hauhsak an nih ang ngei a dik taka kalpui tul a tih thu te, a bikin hmeichhia rualbanlote tan hamthatna scheme thar ngaituah tul a tih thu te, rualbanlote pension lak zat tihsan leh midangte ang bawka zirna tha an neih theihna tur ngaihtuahsak te a ngaihpawimawh thu a sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram