England manager hlui, Steve McClaren chu Newcastle United head coach atan ruat a ni ta.
Kum 54-a upa, McClaren hian Thawhlehni-a bân tak John Carver chu a thlak dawn a, Mike Ashley pawhin Director a nihna a bansan a, mahse a neitu a nihna chu a la ngai reng thung a ni.
McClaren hian kum 3 daih turin contract hi a ziak a, a contract hi kum 8 thleng pawhsei theih a ni dawn a, McClaren chuan, “He club hian hunrei tak Trophy chawi turin a nghak tawh a, chu chu ka tum ber pakhat chu a ni dawn a ni,” tiin a sawi.
McClaren hi May thla khan Derby chuan an bân a, tun hmain Newcastle sawmna hi ṭum 2 zet alo hnâwl tawh a ni. England chu kum 2006 – 2007 khan a enkawl tawh a, England bakah hian Middlesbrough, Nottingham Forest, German club Wolfsburg leh Dutch club Twente te pawh alo enkawl tawh a ni.