Nimin, International Olympic Day pualin Mizoram State Olympic Association (MSOA) leh Mizoram State Sports Council te tangkawp chuan nimin zing khan intlansiak, Olympic Day Long Distance Running an huaihawt a, Sports Minister leh MSOA Sr Vice President ni bawk Pu Zodintluanga’n a hmanpui.
Bawngkawn atanga Lammual thlenga tlan a ni a, kharna Lammual-a neih ah Minister chuan thu tawi sawiin International Olympic Committee chuan Olympic meichher a nun reng theih nan he ni ah programme a buatsaih \hin thu a sawi a, MSOA leh Mizoram sawrkar pawhin ngai pawi-mawhin khawvela infiamnaa inelna ropui ber Olympic ah Mizo thalai te an tel ve theih nan theihtawpin hma a la mek a ni, a ti.
Olympic Day Long Distance Running kharna inkhawm hi Parliamentary Secretary Pu Hmingdailova Khiangte-in a kaihruai a, Long Distance Running-a ti tha heng mi te hnenah hian lawmman sem a ni bawk
Nimin zinga tlan te hi an \hahnem hle niin sorkar thuchhuah chuan a sawi a, kharna hun hi Sports Secretary Pu Zothankhuma leh Director Pu Zothanmawia te bakah Sports Association hrang hrang hotu ten an hmanpui bawk a ni.