Zawngin naupang kutthlaktu mipuiin an chil hnuah boral

Zawngin naupang pakhat chema beitu Liankhansanga, Tahan Myanmar mi chu khawchhung mite thinrimin an chil hnuah Saitual damdawi-inah a hliam tuar lovin a thi.
Thulakna tarlan danin, Kum 31 vel bawr a upa Liankhansanga hian Zawngin khaw hmeichhe naupang chu chema vawi hnih a vuak hnuah a koki ah a sat a, he thil thlen laia a vela mipui thinrim ten um zuiin kut an thlak hnuah Zawngin Advisory Committee hruaitute chuan an ṭhelh a, Saitual damdawi in panpui a nih hnuah nimin zing dar 8 vel khan a hlim tuar lovin a thi a ni.

Saituala YMA hruaitute sawi danin, a ruang hi post mortem a ni a, a chanchin ngaihventu hi tun thlengin an la awm lova, lamtu a neih loh chuan Saitual Bazar Branch thlanmual ah vawiina phum tura tih a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram