De La Hoya Boxing-ah alo kir dawn lo chiang ta

American boxer ropui Oscar De La Hoya chuan Boxing ring chhunga kir leh a tum loh thu a sawi chiang ta.
Weight hrang 6-a World Champion hlui, kum 42 mi, De La Hoya hian kum 2008-a Manny Pacquiao laka a tlâwm hnu khan Boxing a chawlhsan a, June ni 22-a ESPN-in Interview a neihpuinaah De La Hoya hian Boxing ring-a a kir leh mai theih thu sawiin, Boxing-a a ṭha thei ang bera khelh chu nuam a ti tih a sawi a, a kir leh theihna chance pawh 50-50 a nih thu a sawi a. Mahse De La Hoya chuan Facebook-ah an chhungkuaa an sawiho hnu-ah chawlh chhunzawm zel turin thutlukna an siam ta tih a sawi a ni.

De La Hoya hian boxing a khelh chhungin mi 39 a hneh zinga mi 30 ngawt a knock-out a, mi 6 hneh loh a nei a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram