DoNER Secretary lo zin

Nimin khan Development of North Eastern Region (DoNER) Secretary Pu Naveen Verma, IAS chuan zan 2 riak turin Aizawl a rawn thleng a. Aijal club ah sawrkar mi pawimawhte nen Non lapsable central pool of resources (NLCPR) kaltlanga Mizorama hnathawhte thlir hovin meeting pawimawh tak an nei.
Mizoram sawrkara department hrang hrang ten NLCPR sum hmanga project an thawh zawh tawh zat hi 88 a ni a. Tunah hian project kallai 55 a awm. Project kal mek tan hian cheng nuai 57,340.85 chu pawm niin cheng nuai 33,380.43 chu release tawh a ni. Utilization Certificate hi project kal mekah cheng nuai 24,678.35 hu theh-luh tawh a ni a, kumin chhung-in DoNER in Mizoram tana pawisa release theih a la neih zat hi cheng vbc. 36 lai a awm a. Project thar leh kal mekah pawi-sa a sanction nual tawh bawk. DoNER Secretary chuan rang zawka sum release a nih theih nan sum pek chhuah tawh sa te hmang zo thuai a, utilization certificate thehlut zung zung turin department aiawh kal-khawm te a hrilh a ni. Kuminah project thar 4 an sanction tawh a. Project kal mek 12 atan sanction an release tawh bakah release mai tur project a la awm bawk a ni. Retained project awm mek zinga 34 chu DPR siam that ngai a ni a, DPR thehluh tawh approval nghah mek engemaw zat a la awm bawk.

DoNER Secretary hian vawiin hian Lunglei leh Lawngtlai tlawhin NLCPR hnuaia hmalakna hrang hrang te a hmunah a en ang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram