Nikum November thla a Lai Autonomous District Council Inthlanpui neih a nih hnu-ah LADC-a Congress sawrkar thar Pu VL Hmuaka CEM kaihhruaiah niminpiah chawhnu khan Nominated MDC pathum te lakluh an ni a, tihian LADC-a Pu VL Hmuaka kaihhruai sawrkar chu fuke kimin a ding ta a ni.
Kum kalta November thlaa LADC Inthlanpui neihah khan LADC a Seat 25 ah Congress chuan seat 16 changin, MNF in Seat 8, Independent-in seat khat a chang a, hun engemawchen Congress Sawrkar chu Nominated MDC tello a a kal hnu in, tunhnai khan Pu VL Hmuaka CEM-in Nominated MDC atana a ruatte chu Mizoram Governor chuan a pawmpui a, heng Nominated MDC te hi niminpiah khan LADC Chairman Pu V.Zirsanga chuan MDC atan rinawmna thu tiamtirin a lalut ta a ni.
LADC sawrkarah Nominated MDC pathum awm theiah hmeichhia pahnih leh mipa pakhat CEM chuan ruatin Pi B.Vanpari, Lawngtlai Vengpui, Pi V.Rualthanchhingi Council Veng leh Pu H.Lalramdinhluna Vengpui te chu Nominated MDC atan lakluh an ni a, tihian LADC a MDC 28 zingah Congress chuan MDC 19, MNF leh in MDC 8, Independent MDC 1 an awm mek a, LADC ah hian MDC 28 zingah hmeichhia 3 an awm ta a, tun sawrkar hi LADC a hmeichhe MDC tam ber ṭum a ni.