Skip to content
Home » Chanchinthar » March thla chhungin Darzo kai Tuipui lei dawh zawh beisei

March thla chhungin Darzo kai Tuipui lei dawh zawh beisei

Darzo kai Tuipui chunga lei dawh mek chu March thla chhung ngeia dawh zawh fel beisei a ni.
Thulakna tarlan danin PWD Chief Engineer K. Lalsawmvela chuan Inrinni zing khan Darzo kai Tuipui lei dawh mek hi a tlawh a, he lei dawh hna thawktu Niyogi-a’n lo dawng sawngin an hmalakna chipchiar takin a en a. Contractor chuan March thla tawpah chuan zawh fel vek theih an in beisei thu Chief Engineer hi an lo hrilh a ni.

Darzo kai Tuipui lei hi Kum 2014 December ni 13-a a chim hnu khan estimate te siam tha in dawh that leh a ni a. A hma-a a chimnana chhan ber nia hriat, anchor block-a hruipui in vet let feet 8 kha tunah chuan feet 12-a tih sei a nih bakah a kilhna (u bolt) 4 an dah kha tunah chuan 7 lai dah a ni a, U-bolt leh U-bolt inkar-ah hian a tih ngheh leh zual nan thir hem an vawlut vek bawk ni a thudawn a ni. A banpui atanga chhung lam tui lam hnaih meter 20-ah ban dang an phun bawk a, hei hian lei a do dawn bawk a, lei pawh a chak phah sawt dawn niin Engineer te chuan an sawi a. A chhuat phah leh rawng hnawih deuh chiah an hmabak tawh niin an sawi a ni.

Leave a Reply

This site uses Akismet to reduce spam. Learn how your comment data is processed.