February ni 1-a Prime Minister Office Website-in a tarlan danin Prime Minister Narndra Modi hausakna chu vaibelchhe 1.4 hu a ni a, hetah hian Gujarat hmun laili taka a hmun hlut zawng a tel a, a ram hi kum 2002-a a lei lai aiin a let 25-in a hlu tawh zawk a ni.
Heta tarlana nih dan chuan Prime Minister hian Delhi-ah Bank Account leh mimal Car a nei lova, loan lak a nei lova, kuta sum kawl lai Rs.4,700/- a nei bawk a, nikum August khan Rs.38,700/- a nei a ni.
A thil neih hlut zawng an chhutnaah hian rangkachak zungbun 4 – 45 gram-a rit cheng nuai 1.20 hu a tel a, investment a neihah Larsen and Toubro Infra Bonds (Tax Saving)-ah Rs.20,000/- hû leh life insurance policies cheng nuai 2 hû vel a nei bawk a ni.
