State Level Workshop on PMEGP neih a ni

Nimin khan Mizoram KVI Board buatsaih State Level Work-shop on Prime Minister Employ-ment Generation Programme (PMEGP) chu Chanmari YMA Hall-ah neih a ni a, khuallian Narayan Chandra Barkataky, Member, KVIC (North East Zone) leh khualzahawm Pu K.Lian-zuala, Chairman Mizoram KVI Board ten he hun hi an hmanpui.
Khuallian Shri Narayan Chandra Barkataky chuan, Mizo PMEGP beneficiaries te chu first generation entrepreneur an ni a, hetiang workshop buatsaiha harsatna hrang hrang awm thei sutkian dan tur inhrilhriatna hun hman fo hi a ṭul takzet thu a sawi a, Mizoram chu lekha thiam state a nih ang ngeiin PMEGP hlawhtlinna pawh hi beiseina sang tak nen kan thlir a ni, a ti a, Mizorama bank hrang hrangte chu fuihin, PMEGP beneficiaries-te chu zirtira theihtawp chhuahpui tur leh risk la ve ngam turin a chah bawk.

Pu K.Lianzuala pawhin thu sawiin state kan nih angin duat takin central sawrkar chuan chanvo mi pe a, Central flagship programme PMEGP beneficiaries te chu loan an lak ang ang te chu rul leh vek ṭhin turin leh tumruhna neia teirei peih ve turin a chah a. Financing Bank-te fuihin, District Level Task Force Committee (DLTFC)-in uluk taka a thlan beneficiaries te chu a rang thei ang bera loan sanction thin turin leh lo inhawng zau vea tawiawm thin turin a chah.

Pi Rualkhumi, Director KVIC State Office, Aizawl pawhin thu sawiin, Bank tel lo chuan eng mah an tih theih loh thu leh vbc. 9 atangin vbc. 2 chauh an la hman thu a tarlang a, tun financial kum ral hma ngei a hman zawh a nih theih nan bank hotute a fuih a, beneficiaries te chu loan repayment schedule chiang tak pe thin turin a chah bawk.

Mizoram KVI Board, CEO Pu Kaisangzula’n inlawmna thu a sawi a, Industries Department leh State Bank of India (SBI) atang te pawhin thusawi ngaihthlak niin, mi rinawm leh loan rul tha tur beneficiary te chu an la duh reng thu SBI hotute chuan an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram