2021 World Atletics championships thleng tur thlan dan FBI-in chhui dawn

2021 World Atletics championships neihna atana sawisel hlawh taka Eugene, Oregon thlanna atana thutlukna siam dan chu FBI leh Criminal Division of America’s Internal Revenue Service (IRS)-in an chhui chiang dawn.
Kum 2015 khan Athletics lama thuneitu sâng IAAF chuan dân pangngaia he championship thlen dil dân kalkânin US khawpui Eugene, Oregon hi 2021 World Athletics Championships thleng turin a thlang a, French prosecutor te chuan hemi chungchangah anmahnia an chhuinaah 2015 Championship thleng tur thutlukna siamnaah hian IAAF chhungah corruption a awm ngei niin an sawi a ni.

Tunah hian IAAF president hlui Lamine Diack chu eiru-a puh a nih avangin France-ah pawn chhuak thei lo turin a inah hren (house arrest) mek a ni a, ani hi he thutluknaa bultumtu ber nia hriat a ni a, he championship thleng tur hian Sweeden khawpui Gothenburd chu rin kai tak a nih laiin Eugene hi thlan a ni zawk ta daih a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram