Football thuthang

##    Real Madrid chuan an forward Cristiano Ronaldo chu £350m an dawn chauhin a chhuah an phal dawn tih an sawi a, hei hi a chan chu amah hêltu Paris St-Germain leh Manchester United te an vai kian theihna a nih an beisei a ni. (Mail on Sunday)
##    Mahse Ronaldo Adviser te erawh chuan Ronaldo lak chhuah nan hian £131m (Euro 150m) a tâwk dawn tih an sawi a, amah Ronaldo hian chona thar hmachhawn a duh niin an sawi. (Sunday Telegraph)

##    Ronaldo lakluh tum zingah hian Chelsea pawh an rawn zuanglut ve a, Club neitu Roman Abramovich chuan kum 32 mi hi World record fee-a lalut turin a inpeih reng a ni. (Sunday Express)

##    Real Madrid president Florentino Perez chuan Portugal forward hnenah hian Spanish Champion hi chhuahsan a duh chuan a kawng dâl an tum lo tih a hrilh tawh a ni. (Marca)

##    Manchester City chuan Juventus right-back Dani Alves, 34, chu an lalut fel ṭep. (Guardian)

##    Barcelona boss hlui Luis Enrique chu Chelsea manager Antonio Conte thlaktu atan duh a ni a, mahse Premier league champions hian Conte hi chhuahtir erawh an duh lo a ni. (Sunday Telegraph)

##    Chelsea chuan Conte hi season ṭan hmaa contract thar ziaktir theih ngei an inring hle a ni. (Times – subscription required)

##    Kumin nipuiah player an lakluh mumal loh avangin Antonio Conte chu a lungawilo nia sawi a ni chungin Chelsea chuan recruitment policy-ah thuneihna tam zawk pek an tum chuang lo a ni. (Guardian)

##    Arsenal chuan Lyon leh France striker Alexandre Lacazette, 26, chu £50m velin an hêl ṭha leh dawn a, Gunners-in £30m-a lei an dilna chu nikum khan an lo hnawl tawh a ni. (Daily Telegraph)

##    Arsenal leh England midfielder Alex Oxlade-Chamberlain, 23, chu a contract thar tur chungchanga Gunners nen an indawrna a kal muan lutuk avangin lungawi tawh lo hle. (Mail on Sunday)