Kolasib JAC-ten kawngpui an dan an titawp

Dr. Zochampuia Serchhipah a rawn awm dawn
Kolasib a Doctor sawn chhuahna tur order sawrkarin a siamrem avangin Kolasib JAC ten NH-54 an dan chu Zirtawpni zan khan an titawp.
Serchhip District JAC ten Surgeon doctor sawrkarina sawn a tum Dr Zothansanga Zadeng chu Kolasib lamten chang mai a, NHM hnuaia mi Dr. Zochampuia sawn mai tura thu an chhuah avangin sawrkar chuan mipui te tawrhna a tawp theihna a nih chuan order sut pawi atih loh thu Health Minister Pu Lal Thanzaran a sawi a, hemi hnu hian Health & Family Welfare Secretary Pu Lalrinliana Fanai chuan thuchhuah siamin Dr Zothansanga Zadeng sawn na tur order chu sut a nih thu leh a aiah Dr. Zochampuia chu sawn a nih tur thu a puang a, hetia sawrkar lamin transfer order an siam rem takah hian Kolasib JAC te pawhin NH 54 an dan chu Zirtawpni zan dar 10:24 khan an titawp a, tunah chuan lirthei te pawh a pangngaiin an tlan leh thei tawh a ni.

Serchhip JAC te pawhin thuchhuah siam ve lehin, Kolasib JAC-ten Dr. Zothan-sanga Zadeg uibeta Transfer order sût leh tura sawrkar an nawrna leh hmalakna NH-54 an danchah chungchangah Mizoram mipuite tan harsatna lian zawk a thlen hmaa Serchhip JAC te ngenna Mizoram sawrkarin tihlawhtling a, Dr.Zochampuia  Serchhip District Hospital-a rawn dah a ni chu lawmawm an thu thu an sawi a, Dr.Zochampuia chu Serchhip District mipui ten  Serchhip a rawn thlen a, a hna a zawm hun an nghakhlel hle tih sawiin, Serchhip District tan malsawmna thlentu a nih ngei an ring tlat tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram