Champions League Group Stage draw nei

Nizan hmasa khan Monaco-ah 2017/18 UEFA Champions League Group Stage draw neih a ni a, champion lai Real Madrid chu Group H-ah awmin German club lian Borussia Dortmund leh English club Tottenham te nen an awmhova, Group hautak tak a nih hmel.

Italian Champions leh season liamtaa Champions League finalist Juventus chu Group D-ah Barcelona te nen an awm ho bawk a. Liverpool chu Group E-ah awmin Spartak Moscow, Sevilla leh Maribor te nen an awm hova, Manchester City chu Group F-ah Shakhtar Donetsk, Napoli, leh Feyenoord te nen an awm ho bawk a ni.

English Champions Chelsea chu Group C-ah awmin Atletico Madrid, AS Roma leh Qarabag te nen an awm hova, Qarabag tih loh chu Champions League tawnhriat lo nei hnem tawh club an ni hlawm a, Group hautak tak a nih hmel bawk.

Europa League Champions Manchester United chu Group A-ah awmin Benfica, FC Basel leh CSK Moskva te nen an awm hova, Champions League tawnhriat neih hnem dan atanga chhut chuan United tan chuan Group duhthusam a ni kan ti thei awm e.

Draw hetiang hian neih a ni :

Group A
Benfica, Man. Utd, FC Basel, CSK Moskva

Group B
Bayern Munich, PSG, Anderlecht, Celtic

Group C
Chelsea, Atletico Madrid, AS Roma, Qarabag

Group D
Juventus, Barcelona, Olympiacos, Sporting CP

Group E
Spartak Moscow, Sevilla, Liverpool, Maribor

Group F
Shak. Donetsk, Man. City, Napoli, Feyenoord

Group G
Monaco, Porto, Besiktas, RB Leipzig

Group H
Real Madrid, B.Dortmund, Tottenham, Apoel

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram