Bawng talh leh hralh khapna dan Sawrkar laipuiin hmun ṭhenkhata a hman mek duh lohna lantir nan nimin khan Lungleiah Bawngsa ruai, Lunglei Beef fest hman a ni.
Bawngsa ruai huaihawttu te chuan Beef Fest an neih chhan chu BJP sawrkarin zawi zawi a Hindu rama min hruai luh an tumna kawngah bawng talh khap, talh tura bawng zawrh leh lei khap te hmun tam takah an kalpui tan mek a, chhantu an nei ṭha tih inhre ranin, Hindu ruhho an pawr em em tawh a ni tiin, India democracy nihna pawimawh zinga pakhat sakhaw intluk tlanna hi a bo loh nan ram hmangaihtu, Christian te leh Hindu te ngei pawhin Sakhaw 1 bik thil Serh, midanga barhluih hi kan do tur a ni an ti a, he thil hi an do zia tihlan nan he hun hi an hmang tih an sawi.
Nimina Bawngsa ruai ah hian a duh apiangin bawngsa an ei a, hnam dang engemaw-zat paw’n bawng sa hi an ei a ni.
(Pic:Johan JC)