Barca leh Real te rampawnah inkhel mai thei

Barcelona leh Real Madrid te chuan Spain pawna match khel tura an duhna La Liga Official lamin an thlawp avangin Barcelona leh Real Madrid te chuan League game chu ram pawnah an khel mai thei.

Premier League chuan game 39-na England pawna khel tura kum 2008-a ruahmanna an neih chu fans leh media lam aṭanga sawiselna a nasat avangin sût leh a ni a, he idea tharthawh leh tur hian Premier League chuan ruahmanna a nei tawh lo a ni.

Barcelona leh Real Madrid ten kumin nipuia International Champions Cup pre-season tournament an khelh hnua he ruahmanna hi lo piang niin, ram pawna an vawi hnih inkhelhna ni turin Miami-a Hard Rock Stadium-ah Club pahnih te inkhel hian mi 66,000 chuang an hip khawp a, La Liga chuan hei hi Premier league nen Commercial chungchanga an kâr zau lutuk tihzim theihna a nih an beisei a ni. Hetihlai hian La Liga-a he ruahmanna awm hi a bul an ṭan ek ek chauh a la ni a, a tak ram a thleng dawn em tih chu a la hriat mai loh a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram