## Barcelona-in Neymar, 25, a chhuahtir Philippe Coutinho, 25, leh Angel di Maria, 29, te an lakluh theih loh zui hnuah an playmaker Lionel Messi, 30, pawhin Barcelona-a a hma lam hun chu a ngaihtuah mai thei tih a sawi. (Diario Gol)
## Arsene Wenger chuan kumin nipui-a kum 2 daih contract a ziak hma khan Arsenal chhuahsan lam a ngaihtuah tih a sawi a, mahse tunah chuan Gunners chu tun season-a title la thei dinhmunah an ding reng tih a sawi. (Daily Mirror)
## Player lalut thei lo tura Atletico Madrid hremna January-a a tawp hunah Manchester United chuan Antoine Griezmann, 26, chu a release clause neih lai £184m (Euro 200m) a zatvea a tlak thlak hunah an ngaihvenna chu an chawk nung leh mai thei. (Mundo Deportivo)
## Tottenham-a kum 2020 thleng contract la nei Belgium defender kum 28 mi, Toby Alderwireld chuan Spurs chuan contract ṭha zawk ziak turin an sawm tih a sawi a, Alderweireld hi club dangin lakluh an tum ve reng a ni. (The Sun)
## Crystal Palace boss Frank de Boer chuan a formation duh tak 3-4-3 chu thlak tumin a inbuatsaih a, mahse tun season Premier League-a match 3-a an la chak loh vek bakah goal an la thun loh avangin karleh lama Burnley nen an inkhelh hma pawhin bân a ni mai thei. (Independent)
## Everton leh England international midfiel-der Ross Barkley, 23, chuan January Transfer window-ah Tottenham a pan dawn. (Daily Star)
## Serie A champion Juventus chu January thlaa Liverpool midfielder Emre Can, 23, lakluh tum zingah a tel. (Tuttosport, via Independent)
## Ex-Arsenal defender Bacary Sagna, 34, chu Manchester City-in an release hnuah free transfer-a lakluh theihin a awm a, Crystal Palace, West Ham leh Brighton te nen sawizawm a ni. (Croydon Advertiser)
## Wenger chuan Monaco forward Thomas Lemar chu an ngaihven leh dawn tih a sawi a, kumin nipui transfer deadline-ah khan Arsenal hian tlai deuhah £92m-in kum 21 mi, Lemar hi lei an dil a ni. (Guardian)