World Cup Qualifying Group G-ah Spain chuan 3-0-in Italy an hneh avang a, hei vang hian Italy chuan play-off an khelh a ngaih a rinawm.
Bernabeu-a inkhelah hian Isco chuan Spain tan goal hnih a thun a, Chelsea striker thar Alvaro Morata chuan Spain goal thumna hi a thun a, kum 2006 aṭanga Qualifier-a chak loh la nei miah lo Italy hian Spain chu point 3 laiin an phâk ta lova, goal difference-ah an insân hleih bawk si avangin Spain an chesual hle a nih loh chuan Italy tan play-off aṭanga World Cup khelh tum a ngai dawn niin a lang.
Russia-a World Cup khelh turah hian Group tina winner-ten direct-in an qualify dawn a, runner-up sâng pariat-ten play-off an khel dawn a ni.