Mizoram Lui dunga nungchate humhalh na kawnga thawk tha YMA branch te hnenah nimin khan lawmpuina pawisa RKVY Scheme atangin Fihseries department chuan an hlan a, Serchhip aṭangin Dinthar Branch YMA leh Vengchung Branch YMA te pawhin an dawng a ni.
Lui dung nungchate humhalh leh enkawl zui ṭha YMA branch te pawisa hlanna nimina Aizawl Fisheries Conference hall-a neihah hian district pariat aṭangin YMA branch 11 hnenah lawmpuina pawisa Fisheries Secretary Pu Thlamuana leh Central YMA General Secretary Pu Lalhmachhuana ten an hlan a ni.
Lui dung nungchate humhalh leh enkawl ṭha lawmman pek te hi Thing-sulthliah YMA, Sawleng Joint YMA, Vanva Group YMA, Dinthar Branch YMA leh Vengchung Branch YMA Serchhip district , Khuangthing, Joint YMA Ngopa, Dapchuah, Bairabi South Branch YMA, River Kolodyne Reserve Committee leh Lomasu MTP Branch te an ni.
Fisheries department houte sawidanin tunah hian Lui dung nungchate humhlahna kawngah leh dan bawhchhetute hremna na zawk lekkawh a nih theih nan department chuan dan thar hman theih turin a buapui mek niin an sawi a, Mizoram sangha kan neih ṭhenkhat te chu mang mai thei dinhmuna ding te pawh an awmtawh nia sawiin, ram danga awm tam tawhlo Mizoram luia awm Thaichhawni Nu chu tun hnaiah Mizoramah kg 50 chuang hmuh a nih thu an sawi bawk.
YMA Branch-ten lui dunga nungcha te an humhalhna mipui te hriattur pawimawh thuziak te siam a ni a, nimin khan tui chhunga sangha awmdan enna khawl chu Central YMA hnenah Fisheries department te hian an hlan bawk a ni.