Press Study Tour-a kalten Kerala I&PR hotute an kawm

Mizoram sawrkar Information & Public Relation Department buatsaih Press Study Tour, Thiruvananthapuram & Kanyakumari tlawha kal, I&PR Department Official pathum leh Mizoram Journalists’ Association member 9-te chuan nimin khan Kerela sawrkar-a I&PR Department Director-t leh Information Officer-te an kâwm.

Press Study Tour-a kalte hian nimin khan Kolkata – Thiruvananthapuram via Chennai pana kalin chhun dar 12:30 khan Thiruvanantha-puram hi an thleng a, chawhnu lamah Secretariat tlawhin, Secretariat hmuna awm, UV Jose, IAS, Director I&PR Deptt. Govt. of Kerela leh Information Officer dangte chuan lo dawngsawngin inkawmhona hun an hmang a, Kerela sawrkarin Journalist-te tana an hmalakna leh hnathawh hrang hrangte an zawtfiah a, Kerela-ah hian Accredited Journalist 921 an awm a, Accredited Journalist te hi State chhungah Kerela State Road Transport Corppration (KSRTC) bus-ah a thlâwn vekin an zin kual thei a, Train Ticket-ah 50% concession pek an ni bawk.

Media person-te pualin kumkhatah Health Insurance Scheme atan cheng nuai 25 dahsak an ni a, Journalist te pual hian Housing Subsidy sawrkarin cheng nuai 1 a pe ṭhin a, hei hi Rs.1,50,000/- tisang turin proposal siam mek a ni bawk.

Journalist Welfare Pension Scheme hi kum 1993 aṭangin an lo kalpui tawh a, Journalist te hian thla khatah Rs.300/- zel contribution neiin category 3-ah ṭhenin, Pension hlawh hi category a zirin Rs.10,000/- a ni a, Family pension thlengin an nei a, Family Pension hi category 4 ah ṭhen a ni ve thung a, an category a zirin Rs.5,000/-, Rs.2,250/-, Rs.4,000/- leh Rs.1,000/- a ni.

Vawiin hian Thiruvanan-thapuram hmuna sawrkar hmalakna leh hmun pawimawh hrang hrangte tlawhin, Pathianni hi Kanyakumari-ah an hmang ang a, Thawhṭanni khian Kolkata lam pana lo kir lehin Thawhlehniah Aizawl lo thleng leh tura beisei an ni.

He Press Study Tour-ah hian PB Lianthangpuii, Dy. Director, I&PR Deptt. chu tour leader hovin Official dang 2 bakah MJA member 9 te an kal a, Official kal zingah K.Saitluanga, DIPRO, Serchhip chu a tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram