Assembly Budget Session zofel

Ni 23 chhung awh Mizoram Legislative Assembly Budget Session chu nizan hmasa khan tiamchin awm lova tihtawp a ni.

Speaker Lalrinliana Sailo chuan session neih chhunga tih tur te tluang taka tih zawh theih a ni chu lawmawm a tih thu a sawi a, Lok Sabha leh Rajya Sabha ah te, state dang tamtakah te an tih theih loh Mizoram ah erawh tluang taka zawh a ni chu a lawmawm hle a ni a ti.

Session neih chhung hian Chief Minister Zoramthanga, Finance changtu chuan kum 2021-22 chhung atana Mizoram sum ruahman cheng vbc 11148.89 a pharh a, sawiho a nih hnuah a hman theihna tur Appropriation Bill 2021 pass nghal a ni.

Session neih chhung hian House a chhan chi starred question 387 lut zinga 60 chhan hman a ni a, unstarred question 193 a lut a, lehkha pawimawh 19 pharh a ni a, bill 5 pass a ni bawk a ni.

Tun ṭum sessionah hian Private Members Resolution pahnih, infiamna lama hmalakna chhunzawm tur thu leh Covid19 hripui dona kawnga nasa lehzuala ṭanho ni se tih chu pass a ni bawk.