Zothlifim Logo
Loading ...

Nimin khan DoNER Minister thar G.Kishan Reddy hovin India hmarchhak state Chief Minister leh an aiawhte internet kaltlangin an inkhawm.

G.Kishan Reddy chuan Space Technology tihchang-tlun chhoh mek chu ṭangkai zawka hman a pawimawh thu te, India tan India hmarchhak state-te an pawimawh tih a sawi a ni.

Chief Minister Zoram-thanga pawh he hunah hian a tel a, North Eastern Space Application Centre (NESAC) hmang ṭangkai a, awmze nei zawka Mizorama tuihna humhalh dan tur te, leilung riral nasa lutuk vêng tura checkdam siamna hmun-hma thlan dan tur te, sik leh sa danglam chho zel venhim dan turte leh Tourism tihhmasawn chungchangte a sawi a, Union Minister thar hnuaiah hmarchhak state ten hmasawnna chak tak an hmuh a beisei thu a sawi bawk.

Meeting-ah hian Union Minister Jitendra Singh pawhin India hmarchhak state-te sawrkar laipuiin a ngaih pawimawh thu a sawi a ni.