Serchhip District Magistrate, Kumar Abhishek chuan nimin khan Serchhip District chhunga khaw 7 – Chhingchhip, Khümtûng, Chhuanthar Tlângnuam, Buhkângkâwn, Hualtu, Büngtlâng leh Buangpuite chu vawk natna hri African Swine Fever (ASF) lênna hmunah a puang.
District Magistrate-in thupek a tihchhuahah chuan Serchhip District chhüngah vawk natna African Swine Fever (ASF) a lêng mek a, khaw ṭhenkhat chu infected Area-a puan a lo ni tawh a, hetih mek lai hian heng khua – Chhingchhip, Khumtung, Chhuanthar Tlangnuam, Buhkângkawn, Hualtu, Bungtlang leh Buangpuiahte hian ASF kai thar hmuh chhuah leh an nih avangin Sub-section (1) of Section 6 of the Prevention and Control of Infectious and Contagious Diseases in Animal Act 2009-in thuneihna a pêk angin heng khua leh hri lênna hmunte hi Control Area-ah a puang leh a ni.
Thupekah chuan heng khaw chhungahte vawk dam leh damlo talh leh zawrh khap tlat a nih thu a tarlang a, vawk, vawksa leh vawksa aṭanga thil siam reng reng zawrh, lâk luh leh lak chhuah khap tlat a nih thu tarlangin, vawk thi an awmin, AH & Vety Department mithiamte râwn chunga tihral tur a nih thu a tarlang bawk.
He thupek hian thla 2 chhúng a huam ang a, he thupek zawm lo chu Section 188 IPC dan hmangin hrem theih an nih thu tarlan a ni bawk.