Skip to content
Home » Chanchinthar » Kângmei laka fimkhur lehzual turin mipuite chah

Kângmei laka fimkhur lehzual turin mipuite chah

Fire and Emergency Services chuan kangmei laka mipuite fimkhur lehzual turin a chah.

Fire and Emergency Services-in mipuite hnena ngenna leh hriattirna a tihchhuahah chuan khua a lo ṭhal leh ṭan tak avangin kangmei lakah mipuite fimkhur leh zual a pawimawh tih a tarlang a, tun hnai maiah pawh hmun hran hranah kangmei chhuak avanga in leh lo chân hriat tur a awm leh ta nual a, kangmei laka fimkhur tura inngenna leh sawrkar thuchhuakte pawh ngaih pawimawh a ṭul tih tarlangin, kângmei chhuak hi a tlangpui chuan inthlahdahna (Negligence) vang a ni ṭhin a, vanduai vang hrim hrim hi hi chu thil thleng khât tak a ni a ti.

Kangmei a lo chhuah palha Information pekna tur chu Fire Station-ah a ni a, engemaw avanga Fire Station be pawp thei lo chuan ERSS (Emergency Response Support Sytem) number 112-ah call ṭhin tur a ni tih an tarlang a, ERSS duty-naah hian Medical, Police leh Fire lam mi te 24×7-in an duty reng tih sawiin, mahni awmna atanga hnai ber Fire Station phone number te chu mahni Mobile Phone a chhinchhiah (save) ṭheuh a ṭhat thu an tarlang a, mahni khawsakna leh chetvelna kawng tinrengah kangmei tichhuak lo tura fimkhur turin mitinte an chah a ni.

SERCHHIP
FIRE STATION
Contact No.
03838-222135
8119884154

Leave a Reply

This site uses Akismet to reduce spam. Learn how your comment data is processed.