@ Aston Villa chuan Paris St-Germain midfielder Georginio Wijnaldum chu an la ngaihven reng a, kum 31 mi manah hian £21m an sen a ngai dawn tih hrilh an ni tawh a ni. (Sport)
@ Striker Luis Suarez chuan kumin nipuia a contract a tawp hunah Atletico Madrid a chhuahsan dawn a, Italian champions Inter Milan bakah Ajax, Sevilla leh Brazil club hming tarlan lohte chuan kum 35 mi hi lakluh dan an zawng a ni. (Marca)
@ Manchester United interim boss Ralf Rangnick chuan an manager thar tur chu tunge ni dawn tih chungchang club a la sawipui lo tih a sawi a, hetihlai hian Ajax boss Erik ten Hag chu Europe-a coach ṭha ber zinga pakhat a ni tih a sawi. (Sky Sports)
@ Barcelona president Joan Laporta chuan club-in Borussia Dortmund striker Erling Braut Haaland an dawr ṭan tawh nia sawi chu a pha a, manager Xavi Hernandez leh Norway international kum 21 mi indawrnaah a lo inrawlh ve-na tur a awm lo tih a sawi. (Goal)
@ Everton striker Moise Kean, kum 2023 nipui thlenga Juventus-a loan-a khel tur chu Paris St-Germain chuan laklet leh dan an ngaihtuah. (Calciomercato)
@ Major Legue Baseball tem Chicago Cubs neitu, Thomas Ricketts leh, property billionaire Nick Candy-te chu Chelsea lei tuma sawirik zingah an tel ve leh. (Sun)
@ Arsenal boss Mikel Arteta chuan France striker Alexandre Lacazette chu tun season tawpah a hmalam hun tur chungchang sawipui turin club-in a dawr dwn tih a sawi a, Gunners-a kum 30 mi contract neih lai hi kumin nipuiah a zo dawn a ni.