Samagra Shiksha (SSA & RMSA tih ṭhin) hnuaia thawktute hi kum 12 dawn, an hlawh ennawnsaka an awm loh hnua kum 2019 December thlaa an service leh hlawh chungchang zirchiang tur ‘Study Group’ dinin, November, 2020-a sawrkara rawtna (Recommendations) an thehluh ang ngeia hlawh an lak ve theihna turin sawrkar an ngen.
Nimina thuchhuah an siamah, FEMSE chuan Study Group Recommendations hi Samagra hnuaia thawkte duhthusam ni chiahlo mahse ṭha thawkhatah an ngai tih an tarlang a, beiseina sang tak nena hmathlir an neih laia kum hnih dawn a liam hnua thu chhia a ṭha engmah la awmlo chu mak an tih thu sawiin, an dinhmun leh hlawh chungchangah lungawithlak loh hlea an hriat thu an sawi a, dinhmun ṭha ve deuh leh innghahna tlak hlawh neih ve an duh tawh tak zet tih an sawi.