Aizawl District Disaster Management Authority (ADDMA) leh Aquatics Association of Mizoramte ṭangkawp chuan May ni 16 – 19, 2022 chhung khan tui tla chhar chhuah dan zirna (Water Rescue and Retrieval of Drowned Victims Training) chu Aquatics Association of Mizoram-te swimming pool, ITI Veng-ah an buatsaih.
Training kharna hi Dr. Lalhriatzuali Ralte, IAS Deputy Commissioner, Aizawl chuan hmanpuiin, khaw hrang hrang aṭanga training rawn telte hnenah life jacket hlanna a neih bakah, mahni awmna hmun ṭheuhah chhiatna tawkte ṭanpui tura theihtawp lo chhuah ṭheuh tur leh mahni taksate ruitheihthil laka invawng uluk turin a chah a ni.
He Training ah hian Quick Response Team (QRT) ADDMA te bakah Aizawl District chhunga tui hnaih khua, khaw 9 aṭanga volunteer te Training pek an ni a, Training ah hian tui tla inchhan dan te, tui tla ruang zawn dan te, chhanchhuaktu tana chetlak dan tur pawimawh te, scuba gear hmanga tuichhung luh dan te zir a ni.
Training petute hi Darthantluanga, Sairang, H.Lalhruaizela Coach, Aquatics Association of Mizoram leh Benjamin Malsawmkima, Sairang te an ni.